അനാഥന്‍..

ഇടവമാസ പെരും മഴപെയ്തരാവതില്‍  
കുളിരിന്നു കൂട്ടായി ഞാന്‍  നടന്നു...

ഇരവിന്റെ നൊമ്പരം പോലൊരു കുഞ്ഞിന്‍റെ
തേങ്ങലെന്‍ കാതില്‍ പതിഞ്ഞു.....(2 )

തെരുവിന്റെ കോണിലായ്  പീടികത്തിണ്ണയില്‍ 

ഒരു കൊച്ചു കുഞ്ഞിന്‍ കരച്ചില്‍...

ഇരുളും തുരന്നു ഞാന്‍ അവിടേക്ക് ചെല്ലുമ്പോള്‍ 
ഇട നെഞ്ചറിയാതെ തേങ്ങി......(2 )

നഗരത്തിലൊക്കെ അലയുന്ന ഭ്രാന്തിയെ പീടികത്തിണ്ണയില്‍ കണ്ടു....(2 )

നഗ്നയാം അവളുടെ തുട ചേര്‍ന്ന് പിടയുന്നു

ചോര പുതപ്പിട്ട കുഞ്ഞും...(2 )

അരികത്തടുത്തിതാ ചാവാലി നായ്ക്കളും 
ഒരു ദൃഷ്ടി സാക്ഷിയയി ഞാനും...(2 )

അമ്മയുടെ നോവാറിയില്ല.. ആ ഭ്രാന്തി കണ്ണടച്ചെന്നേക്കുമായി...(2 )

ആലംബമില്ലാതെ കരയുന്ന കുഞ്ഞിന്നു
പാലില്ല.. പാല്നിലാവില്ലാ.....(2 ) 

 

ഈ തെരുവിന്നൊരനാഥനെ തന്നിട്ട് പോയവള്‍

തെറിവാക്ക് പറയുന്ന ഭ്രാന്തി...(2 )